Make your own free website on Tripod.com
 

VEXIL'ÒC

pr. [betsi'lO]
lo jornal occitan de vexillologia 
OCTOBRE DE 1997 - NUMERÒ 2

Lo drapèl de Vexil'Òc 
per Joan Francés Blanc

 

Ensenhador

 

Index Corrièr

Editorial

Benvenguts dins lo segond numerò de Vexil'Òc. Remarcaretz primièr que la revista se perdèt una "L" dins lo nom. Seguissèm aital los principis de formacion dels mots sabents d'origina grèca o latina expausats dins la Gramatica occitana de Loïs Alibèrt.

Recercam totjorn tota mena de collaboracion sul subjècte de la vexilologia.

Podèz clicar sus cada image de drapèl per lo veire plan mai grand...


Actualitat

Revòlta a Anjoan (Comòras)

L'estiu entendèrem parlar de la revòlta de l'iscla d'Anjoan, dins las Comòras (vejatz la mapa mai bas dins aqueste numerò, a Comòras). Dos drapèls èran vesedors dins los reportatges a la television, en mai d'un drapèl francés que los separatistas se vòlon restacar a França.

Drapèl d'Anjoan

Autre drapèl d'Anjoan


La mòrt de la princessa de Gallas

Se parlèt fòrça de la mòrt d'aquela dòna. Lo seu títol oficial èra "Princessa de Gallas" e non pas "Princessa Diana".
 
Bandièra personala
 
Bandièra sus l'ataüt

Aviá un drapèl personal que portava a esquèrra lo del seu òme, Carles de Gallas (bandièra reiala britannica ambe la barra blanca de l'ainat, e per dessús l'escut del principat de Gallas) e a drecha lo del seu paire, En Spencer.
Dins las ceremonias a l'entorn de sa mòrt, l'ataüt portava la bandièra generica del monde de la familha reiala, valent a dire la bandièra reiala enrodada d'ermina.

Drapèls novèls de pel monde

Comòras

Còdi ISO : KM.
 
Drapèl novèl
 
Drapèl d'avants
 
Drapèl de 1975
 
Drapèl de 1977

Drapèl imaginari de Maiòta

Lo cambi

En 1996 cambièt tornar lo drapèl de las Comòras.

La descripcion

Un drapèl vèrd del creissent blanc (l'islam) e de las quatre estèlas blancas (las quatre isclas de las Comòras). Aponduts en arabi Ala e Mu'amad.

Maiòta

Collectivitat territoriala francesa dempu`i lo 14 de decembre de 1976, Maiòta a son escut dempuèi 1986, amb un creissent que representa la religion islamica e doas flors d'ilang que son la riquessa de l'iscla. Un drapèl tirat d'aqueste escut seriá coma lo indicat dessús (mercés a J. Ollé).

Òng Còng

Ancian còdi ISO : HK. Còdi ISO de China : CN.
 
Drapèl novèl
 
Drapèl d'avants

Lo cambi

Lo 1è de julhet 1997 los territòris de la Colonia de Òng Còng e los "Territòris Novèls" (la part continentala) tornèron jos l'administracion de China amb un estatut de region especiala e un drapèl.

La descripcion

Una representacion de la flor simbòle de Òng Còng, la flor de Bauhinia, ambe las cinc estèlas que represéntan l'apartenéncia a China.

Macau (Aòmen)

Còdi ISO actual : MO. Còdi ISO de Portugal : PT.

Drapèl del senat de la vila de Macau
 
Drapèl portugués utilisat
 
Drapèl de 1999

Segon l'acòrdi del 26 de martz de 1987, lo 20 de decembre de 1999, lo territòri de Macau, pròche Òng Còng, tornarà a China. Es dempuèi 1976 un "territòri chinés volontàriament e provisòriament jos administracion portuguesa". Vendrà en 1999 una region especiala de la bandièra ja definida :

  • Lo vèrd representa los territòris oltramarins portugués. Un crisantèma blanc subre una representacion estilisada del pont de Macau a Taipa es capelat de las cinc estèlas que represéntan l'apartenéncia a China.

Drapèls sus Occitània (2)

Províncias vièlhas (1)

 
Barbonés
 
Daufinat
Legenda Occitània
 
Labrit
 
Lemosin
 
Marcha
 
Provença
Los drapèls son totes tirats dels escuts ancians, d'avants l'annexion a França o la recuperacion per un cabdèt de la familha reiala francesa.

La vexilologia sul malhum

L'Enciclopedia dels drapèls

En parallèl amb aquel bulletin los drapèls de FOTW (veire dejós) son tanben utilisats dins una enciclopedia dels drapèls, ela tanben en occitan. La siá adreça es :

Flags of the World

Ne parlèrem dins lo No.1. La siá adreça "virtuala" es totjorn : Lo siti principal es ara en Belgica :

Vexilologia catalana

En Catalonha la vexilogia es plan activa. Sul malhum trobram tres sitis interessants per de rasons diferentas...

Associacion Catalana de Vexilologia

Trilingüe catalan, espanhòl, anglés, aquel siti conten notadament de pajas sus la codificacion dels drapèls del mai grand interés.
 
Drapèl de l'ACV

La siá adreça es : http://www.acv.ptv.es/.

Lo bulletin vexilologic de J. Ollé

Un bulletin trimestrial un pauc coma Vexil'Òc... Existís pr'aquò en doas lengas, anglés e espanhòl.

La siá adreça es :

Lo siti Drapèls istorics

Sa tòca es de presentar de drapèls istorics entre 1789 e 1995. Existís sonque en anglés.

La siá adreça es :


ISSN 2117-9166
Darrièra modificacion lo 14 d'octobre de 1998.