Make your own free website on Tripod.com
 

VEXIL'ÒC

pr. [betsi'lO]
lo jornal occitan de vexilologia 
GÈR DE 1998 - NUMERÒ 3
Visitaires : ???
 

Lo drapèl de Vexil'Òc 
per Joan-Francés Blanc 

 

Ensenhador

 

Una paja archivada sul siti
Occitans... 
Index Corrièr

Editorial

Ja tres còps. I aviá pas cap de drapèl novèl, puèi prenguèrem de retard e lo de Bosnia es arribat...

De tant qu'i soi, senhali que lo numerò 2 foguèt un pauc melhorat (apondon d'una mapa sus Occitània).

Podèz clicar sus cada image de drapèl per lo veire plan mai grand... 

 

Drapèls novèls de pel monde

Bosnia e Erzegovina

Còdi ISO : BA

Drapèl novèl (4.2.1998)

Drapèl vièlh (4.5.1992-3.2.1998)
Ven d'èsser adoptat (jos l'òrdre del Comissari Superior d'Aplicacion de las Pachas de Dayton) un drapèl novèl per Bosnia Erzegovina. La data del 4 de febrièr permetèt l'utilisacion als jòcs olimpics d'ivèrn de Nagano. Lo triangle jaune representa l'unitat de las tres comunautats etnicas-religiosas (croates catolics, sèrbes ortodòxes e musulmans). Lo jaune representa lo solelh e l'esperança. Lo blau e las estèlas represéntan las autoritats qu'impausèron la patz dins aquel parçan : Euròpa e los Estats Units d'America.

Concors


Primièr desbois

Segond desbois

Tresen desbois
La comission creada pel drapèl aviá causit tres dessenhs de las meteissas colors : lo blau clar de las Nacions Unidas, lo jaune del solelh e de la patz. Aquelas colors pausàvan pas cap de problèma per las tres comunautats. Foguèt decidit après de far lo blau mai fosc.

Ancian drapèl

Lo 4 de mai de 1992 lo parlament de Bosnia e Erzegovina aviá causit lo progècte de l'artiste Zvonimir Bebek. Èra tirat de l'escut del rei Esteve Tvrtko, qu'al sègle XIV regnava sus Bosnia. Aquel òme èra parent de la dinastia Anjo d'Ongria, d'aquí las flors de liri francesas. Çaquelà aquelas colors èran pas reconegudas pels sèrbes nimai pels croates.

Entitats

Los acòrdis de Dayton creèron un estat federal de las doas entitats :

Federacion Croata e Musulmana

Republica Sèrba


Bosnia e Erzegovina
Sus la mapa que ven de la CIA, la Republica Sèrba es en blau, la Federacion en vèrd.
  • la Republica Sèrba (Republika Srpska) que fa servir las colors sèrbas

  • e la Federacion croata e musulmana (proclamada lo 31 de mai de 1994) que fa servir una mesclanha de las colors croatas (roge e blanc), musulmanas (vèrdas e flor de liri) e europèas (blau e las estèlas).
    Foguèt adoptat lo 25 d'octobre de 1996.

Drapèls istorics


Drapèl de la Republica Populària
(1946-1963) puèi Socialista (1963-1991)
de Bosnia e Erzegovina dins Iogoslavia

(Z. Heimer, Flags of the World)

Varianta non oficiala

(Z. Heimer, Flags of the World)

Conselh antifaissista de liberacion
de Bosnia e Erzegovina (1941-1945)
e Republica Democratica Federala de B. e E.
dins Iogoslavia (1943-1946)

(Z. Heimer, Flags and Arms of Modern Era)

Bosnia e Erzegovina brèvament
independenta (1878)

(Z. Heimer, Flags and Arms of Modern Era)

Bosnia e Erzegovina
(ocupacion per Austria e Ongria, 1878-1918)

(Z. Heimer, Flags and Arms of Modern Era)

Bosnia e Erzegovina
(ocupacion per Austria e Ongria, 1878-1918)

varianta
(Z. Heimer, Flags and Arms of Modern Era)

Bosnia
(ocupacion per Austria e Ongria, 1878-1918)

(Z. Heimer, Flags and Arms of Modern Era)

Erzegovina
(ocupacion per Austria e Ongria, 1878-1918)

(Z. Heimer, Flags and Arms of Modern Era)

Sorgas :


Drapèls sus Occitània (3)

Províncias vièlhas (2)


Armanhac

Auvèrnhe
Legenda Occitània

Bearn

Guiana

Lengadòc

Niça
Los drapèls son totes tirats dels escuts ancians, d'avants l'annexion a França o la recuperacion per un cabdèt de la familha reiala francesa. 

La vexilologia sul malhum

Vexilologia espanhòla

Societat espanhòla de vexilologia

La Sociedad española de vexilología a un siti ambe las bandièras de las comunautats autonòmas d'Espanha.

Drapèl de la SEV

La siá adreça es : 

Vexilologia italiana

Centre italian d'estudis vexilologics

Lo Centro Italiano Studi Vessillologici a un siti gavidat per A. Martinelli. De notar una galeria de drapèls italians.

Drapèl del CISV
(Explicas : http://www.agora.stm.it/Al.Martinelli/cisvflag.htm)

Publica tanben una revista, Vexilla italica. Lo sieu numerò 2 en anglés es disponible al format word, se lor demandatz. L'adreça del CISV es :

VexilloLinks

Es lo siti mai bèl de ligams cap a de sitis vexilologics. Gavidat per Mark Sensen es albergat a Geocities. L'adreça es :


ISSN 2117-9166
Darrièra modificacion lo 14 d'octobre de 1998.